7.1將至，好多新書趕登場。前中共總書記趙紫陽秘書鮑彤之子鮑樸旗下嘅新世紀出版社，準備喺下星期發行《七月圍城》，紀念香港人過去10年走過嘅抗爭之路，除咗戴耀廷同長毛等猛人撰文，仲搵到天主教港區榮休主教陳日君樞機寫序。
主編蔡詠梅話，03年嘅7.1係本土運動嘅里程碑，由嗰日起，成個香港嘅公民社會正式抬頭，此後每年7.1最少都有幾萬人上街，10年之後嘅今日，睇番過去行過嘅呢條路，好值得紀念。至於新世紀出版社亦大有來頭，趙紫陽秘密錄音寫成嘅《改革歷程》，就係由佢哋出版。
學民寫給10年後的自己
同樣紀錄香港人抗爭歷程嘅《給穿過黑衣的人》，亦都會喺下星期推出。呢部著作由學民思潮編寫，據黃之鋒講，作品以相片同文字紀錄學民思潮走過嘅路，一班學民仔喺書中分享開展學生運動以來嘅心底話，包括對父母說話、對香港說話、對10年後自己所說嘅話。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange