父親節係仔女答謝阿爸嘅日子，港交所（388）行政總裁李小加慶祝父親節就別出心裁，皆因今年唔係仔女請佢食飯，而係佢做廿四孝老豆，又整餅又煮麵，親自下廚煮畀家人食，好唔好味就唔知，至少心意搭夠。
父親節親自下廚
咁究竟李小加整咗啲乜呢？佢話都係啲普通北京小食，最主要係大餅，有肉、蔥油同麻醬三種口味，同埋佢自己親手打嘅手拌麵。佢平日其實好少落廚，見係父親節，整畀家人食就冇計啦。
李小加育有兩女一仔，大仔喺美國讀緊大學，李小加不得不承認自己老喇。佢又講笑咁話，同佢一樣係北京人嘅黎明，年紀同佢差唔多，外表就後生過佢好多。咁就梗係啦，雖然兩人都係六十後，但黎明1966年出世，47歲，細李小加五年㗎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange