【銅鑼灣】楊千嬅同老公丁子高早排先幫囝囝進諾（Torres）慶祝一歲生日，不過湊細路仔自然有開心，亦有唔開心，所謂「養兒一百歲，長憂九十九」，所以大前日Torres發燒，做媽咪嘅千嬅不知幾擔心，即刻捉咗囝囝去睇醫生，見個仔冇乜事兩公婆先至安心咋。
笑住搭電梯
前晚接近9點，千嬅兩公婆趁Torres瞓咗，就偷空揸車去銅鑼灣開平道撐枱腳，兩公婆去到將架車放低畀代客泊車搞掂，千嬅一身黑衫黑背囊，佢仲童心大發戴咗一個有對貓耳仔嘅頭箍㖭，非常可愛。
當記者影相時，剛好有兩個途人行過俾閃光燈嚇咗一跳，千嬅笑笑口話：「睇吓你哋嚇親人嘞。」跟住佢保持大笑姑婆本色笑住搭電梯上樓。兩公婆餐晚飯食咗唔夠個半鐘就食完，可能佢哋都係唔放心擺低囝囝，離開嘅時候，丁子高一馬當先去攞車接埋千嬅走。
採訪、攝影：梁繼光、李志明
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange