中港股市弱到震，但航運股逆市突圍，全線連日炒上，係咪時候買？航運業無疑正處於復蘇周期，波羅的海乾散貨指數（BDI）連升九日創逾半年新高，反映近年供過於求的問題正逐步改善，意味航運股曙光初現！
寧買當頭起，揀行內最強股份，太平洋航運（2343）為必然首選。魏力認為太航醞藏三大爆升藥引，隨時於下半年強勢起動。先講基本因素，太航主攻靈便型小船，載貨量1萬至3.9萬公噸，調配相對靈活，貨量較少亦可滿載而行，在經濟不景下盡顯防守力。
供應方面，麥格理報告指船租去年已見底，現正處於消化過剩供應的最後階段，明年船租及運費可望回升。太航上周公佈將10艘船轉租為買，明顯睇好後市，故運用手上充裕的現金壯大船隊，準備下半年起開turbo賺錢！
太航盈利將於今年強勢反彈。去年公司中期勁蝕15.2億銀，但下半年已轉賺2.9億元，今年上半年盈喜機會甚高。目前PB僅0.8倍，以今年純利6億元計，預測PE約15倍，明年將降至單位數，炒復蘇一流。
太航昨突破250周線，意味股價已升破過去5年的平均水平，為長線轉牛訊號，並蓄勢打破今年橫行局面，目標先睇6蚊。
魏力
http://www.facebook.com/2012jason
本欄逢周一、二、四、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange