謝瑞麟(417)成日強調創新,每年年報都好有特色,管理層會同董事夾一個主題影輯靚相,有年玩夾band,舊年就着皮褸揸電單車。今年仲勁,成班董事會成員着晒白色西裝,白馬王子咁款,七名男士仲一齊襯托住着紅色衫嘅「謝家新抱」兼主席邱安儀。
長子嫡孫叫Caleb
大家樂(341)主席陳裕光身為謝瑞麟獨立非執董,當然走唔甩,一身白色西裝,官仔骨骨,真係睇唔出佢原來已經61歲,仲啱啱喺百日之內做咗爺爺同公公,連抱兩孫。
華華近日喺一個午餐會巧遇陳裕光,一提起兩名男孫,佢即刻甜笑,女兒陳浩寧三月誕下外孫Logan,大仔陳浩弘位愛妻本月初又誕下內孫Caleb。陳裕光家陣冇做大家樂CEO,弄孫為樂嘅時間多咗,唔怪得影輯相都寧捨醒神靚仔啦。
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange