左派陣營以銀彈攻打今年民陣7.1遊行,更將商戶優惠限定7.1下午舉行,擺明「打對台」。泛民對左派做法感意外之餘,更猜測左派可能心知今年7.1有機會「好大鑊」,所以收指示要與民陣硬碰,但他們認左派做法作用不大,卻令左派多了一個藉口向北京拿更多「維穩費」。
左派驚今年「好大鑊」
該泛民中人指,歷年建制派的慶回歸活動均避開直接向民陣「挑機」,以免製造對立、挑動更多人上街,但香港左派今次一反常態,下午搞活動正面迎戰,令人相信左派收到指示,「佢哋可能知7.1會好大鑊,擔心梁振英好唔掂,不惜硬碰硬挺梁打7.1」。
泛民中人猜測非無的放矢。有泛民引述某商界人士說:「(阿爺)話香港𠵱家形勢唔好,叫佢多多支持慶回歸活動,即係要加大力度泵水!」難怪眾大地產商肯破天荒贊助只吸引年輕人的流行音樂會。
有泛民中人認為左派變陣也作用不大:「要嚟(7.1)嘅點都會嚟;唔嚟嘅左派乜嘢都唔做都唔嚟!」他反指左派因此多了一個機會叫阿爺「開水喉」,「唔少人又有維穩費落袋!」
真普選聯盟昨天開會後則決定,最快月底推出學者顧問團擬定、或多於一個的特首選舉方案,立法會選舉方案料下月中出爐。真普選團體成員已答應,捐出7.1遊行的5%籌款予真普選,稍後並會邀請行政會議召集人林煥光談政改。
季陶
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange