美國過氣政客指，伴碟是中國間諜，環球時報沒否認。這隻碟，是大中華膠碟？抑或，更無間道的劇本是：伴碟假投奔，目標是直轟敵營，反轉無間道，碟中有碟，最終掌握到的情報，本來是要原汁原味呈交中情局，只是，情報人員不是狼，是人，人是會出軌的，伴碟出走，一圍菜雖然龍蝦魚翅俱備，茅台連開了兩瓶，但人走了，茶就涼了。沒有碟的盛宴，咀嚼無味，等於無間道續集換走梁朝偉，調李克勤頂替。死得。
環球時報不是寫影評的，但市民當戲睇，睇戲睇半套，劇情暫時膠着。香港作為伴碟奇兵的主場，要識撈充份利用。吸收蝙蝠俠在IFC短短那幾秒鐘過場戲的經驗，旅發局主動配合荷李活，提供伴碟的疑似行蹤，承諾若果畢彼特伉儷來拍伴碟電影，可以免場租兩個月任拍。畢佬賣法國香水廣告，內地阿嬸豪客冧爆。東九新地標啟德郵輪碼頭反正閒着，讓攝製隊進駐可增強人氣，帶動人流。
伴碟考通識題，必然大熱。小一面試時小朋友說，志願是做碟，名校校長，敢收嗎？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange