耀才證券（1428）舊年純利創新高，今年61歲嘅主席葉茂林噚日見傳媒時心情大好，拋出搶客大計之餘，仲有個交棒時間表。佢已認定次女葉頴恩做公司接班人，擬於兩年後將生意逐步放手。
阿仔投入度唔高
葉茂林共有七名子女，好似仲有一個仔喺公司幫手，投入程度就唔高，反而舊年中先加入耀才嘅葉頴恩，今年初由行政助理，升做董事總經理，擺明係接班人。葉茂林亦讚阿女個心喺公司，其他仔個心仲未定咁話。葉頴恩主力做行政同會計，睇得盤數，證明權力有番咁上下。
唔講唔知，葉茂林話佢自1990年開始做證券行，至今廿幾年都未正式放過假，所以好想趁交棒之後歎世界。但係仲有一盤Disco生意要親力親為，計劃明年開多間，上市就未係時候。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange