這個城巿，有人虐殺動物，也有人懸紅500萬元尋找愛犬，更有人視狗如子女。
上巿公司行政總裁馮雪心（Rosetta）便愛狗如命，甚至聘用一對菲傭夫婦全天候照顧五隻寶寶，傭人薪金加上狗糧及醫療費用，估計每月開支上萬元，是很多人的月薪。
五隻愛犬，其中兩隻被訓練成狗醫生，定期探訪老人院。每次「出診」，Rosetta總是充當司機，駕駛白色平治房車管接管送，是很多人的夢想。
別再做窮人，做隻貓做隻狗不做窮人……
記者：譚淑美
攝影：鄧振權
養狗最怕醫療費，有些主人面對震撼的賬單，棄狗不顧，但對於年薪285萬元的Rosetta卻不算甚麼使費。她跟丈夫由小屋搬大屋，由大廈搬到西貢海岸線的村屋居住，就是為了五隻寶貝狗。屋前有數百呎果園，種了芒果、香蕉樹，任愛犬追逐嬉戲，累了，也可跑回有冷氣的屋內休息，快活過神仙。「以前去旅行，將狗寄養喺狗酒店，但佢哋唔適應，會肚痛，所以先諗到請菲傭」。
還以為Rosetta生肖屬犬，與狗有緣，原來她屬猴，今年44歲。五隻心肝寶貝不是金毛尋回犬，就是拉布拉多犬，其中三隻收養，兩隻買回來。身高只有154厘米的她，坐下來跟愛狗合照，其中一隻桀驁不馴的黑犬，興奮得撲上她的頭，連耳環都抓落地上，她也不動氣，像對淘氣小孩說話一般：「佢𠵱家兩歲，最曳嘅時候。」
最近有隻養了不久的狗咬爛了其千多元的Garmin手錶。手錶都咬得爛，足見牙力厲害，但比起此文的主角、另一隻黑犬「細佬」，卻是小巫見大巫。
細佬以前脾氣極臭，「佢嗰時好曳，咬爛晒屋企所有嘢」，慘被牠支解喪命的也多不勝數，包括500元鈔票、唇膏及傳呼機，「咬爛嘅錢都無數啦。部call機崩咗，個mon裂咗。我又唔會怪佢哋，可能自己擺得唔好，可能佢好悶」。
細佬是拉布拉多犬，在家不停肆虐，她最後決定排除萬難，把牠訓練成乖狗。「冇教唔識嘅狗，只有唔識教嘅主人」，Rosetta帶牠考取不同牌照，又到愛護動物協會上課。
獨留子女在家固然不對，有時狗隻亦然，「細佬有分離恐懼症，如果屋企冇人，會感到好不安。主人可以開收音機，等屋企有啲聲音；又可以將離家嘅時間，以一、兩小時遞增，等佢慢慢適應。此外，我亦會喺屋企收埋食物，等佢有個game玩，從中建立更好嘅溝通同信任」。
經過一年訓練，細佬漸入佳境「浪子回頭」。Rosetta大喜，帶牠申請做狗醫生，測試竟然一一通過，但她說不是每隻狗都適合做狗醫生。「要睇性格，要好有耐性，有好高嘅服從性。見到陌生人，不能太過想保護主人，又不能太熱情，要比較中庸，例如見到食物唔會搶住食」。
話畢，五隻狗齊集。細佬果然最聽話，不單不會搶食物，Rosetta把麵包屑放在牠的手背上，牠也靜待主人發施號令才骨碌一聲吞下去，甚至任人拉扯耳朵也不發怒。
狗醫生𠱁老人家開心
Rosetta任職的康宏，每年有兩天有薪義工假期，採訪當天她向公司請了義工假，駕駛平治接載細佬到藍田一間老人院「出診」。亞洲動物基金的活動，一行約10隻狗醫生，圍上紅色三角巾出巡，好不威風。平時眉頭深鎖的長者、一張張滿佈皺紋的臉，漸漸泛起笑容。「見到老人家有反應，記得狗仔個名，其實好開心」。
然而，最重要的長者其實在家中，那人是Rosetta的媽媽，今年81歲，有腦退化症的迹象。「好多年前嘅親戚朋友，佢記得；近期嘅野，譬如話今朝早餐食過啲乜嘢，佢唔記得。不過，佢記得晒啲狗名，而且好鍾意摸狗，又可活動手臂」。
疼錫母親的Rosetta，近年把她由兄長家中接回西貢一起居住。這個家，有兩對夫婦，一個媽媽，還有五隻大狗，很是溫暖，惟獨膝下猶虛，記者問她，寧願養狗也不願生兒育女？她輕描淡寫地說：「又唔係，隨緣啦！」
你想爆？幫你爆！
熱線電話：2990 7225
mailto:[email protected]
WhatsApp：9131 4511
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange