後生做記者曾着吊帶「做扒」而一鳴驚人嘅民主黨主席劉慧卿，噚日以全新fashion look示人。掉低套裝換上紫色短袖衫配飄飄長裙之時，卿姐仲踢起隻腳，向記者大騷佢至潮嘅白色鬆糕鞋。佢話天氣太熱喎，所以一口氣買咗四對鬆糕涼鞋，可以喺呢個炎夏慢慢着。
點解唔索性着高踭鞋襯衫？卿姐話高踭鞋着到隻腳唔舒服，貪鬆糕鞋個鞋底夠晒厚，好穩陣。卿姐見大家咁留意佢個新look，相當高興，高舉招牌V字手勢任影唔嬲，其間工黨李卓人路過，仲教路卿姐，V字手勢要貼面咁擺先似港女，卿姐趁機拉住阿人度高，「增高」後嘅佢同阿人不相伯仲。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange