【本報訊】「如果太多牛奶味，朱古力味無碇企……」每個港人心中，總有幾個至愛的經典廣告畫面。香港動畫製作人協會搜集60年代至今逾百套經典動畫廣告，包括維他朱古力奶、白貓洗衣粉及鷹嘜煉奶等，7月起公開放映，同場展出動畫畫稿及分鏡劇本。
充滿香港特色
香港動畫製作人協會代表盧子英說，本港早於1961年已有動畫廣告，每套均充滿香港特色，「當時係全人手一格一格咁畫出嚟，一分鐘廣告最少要做幾個月」，製作費更高達50萬元，相等於現時的數百萬元大製作，「所以多數會播十年八年，好入屋」。
該會花近一年搜集逾百套經典動畫廣告，包括年代較久遠的國泰航空及保濟丸「童子軍登山」廣告，到近年的白貓洗衣粉廣告，涵蓋半世紀，「畀市民睇吓香港動畫發展趨勢」。「世紀動畫廣告巡禮」將於7月10日至8月26日於香港視覺藝術中心、沙田大會堂及西港城等地點分階段展出。
另外，市建局及香港藝術中心合作的灣仔茂蘿街活化項目將近完成，7月中將化身1,000呎漫畫館，數千項藏品包括紅極一時的本地漫畫《小流氓》原裝本及《同門少年》等。該館亦將於8月22日起展出本地漫畫大師馬榮成的經典作品《中華英雄》及《風雲》等，向馬致敬。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange