正所謂「唔怕生壞命，最怕改壞名」，呢句對人、對公司同樣適用。好似新股優庫資源（2112），佢個名嘅廣東話讀音同「休」褲一樣，上星期一話押後招股，市場即刻笑佢甩咗條褲。隻股翻兜，今日招股，保薦人認真要加條皮帶，咪畀佢再甩褲喇。
優庫資源主要喺馬來西亞做鐵礦石生意，據聞公司原本只得英文名，叫做CAA Resources，為咗來港上市先改個中文名，咁多名唔用，竟然叫「休」褲，一聽就輕易令人笑破肚皮；不過亦勝在易記。
講開古怪公司名，仲有隻「飛牛雜」，唔係話飛牛嘅牛雜，而係高鑫（6808）噚日宣佈，喺上海搞咗間電子商務零售公司，中文名叫做飛牛集達，英文名Uitox，有乜來頭、出處真係令人百思不得其解。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange