今天是《蘋果》創刊十八周年生日，做滿十五年的同事獲贈一支價值五千多元的原子筆，十年的那支價值三千多元，等於一年三百多元，雖說很多東西不能盡以錢銀衡量，但也實非厚禮，只是一點小心意而已。沙膽虹點解咁講，皆因打了肥佬黎工咁耐，深知要做十年、十五年絕不容易！
肥佬黎最不喜歡因循、惰性，不單有鋤報會天天鞭策，還定期辦讀者會畀錢讀者來批評，並且不時改革求變，一年一小改，三年一大改，「久不久要把樹木搖一搖，讓枯枝枯葉掉下來」的理論，《蘋果》員工都耳熟能詳。搖了十次八次都沒掉下來，能在《蘋果》做十年、十五年的，這支筆不單抵攞，簡直超值！
前陣子同事們在公司聚餐，才談到在《蘋果》的一些往事。
「最初《蘋果》有一大班人晚上跑來跑去送稿，校對也幾十人，後來送稿的首先被裁，校對也只剩下幾個」。
「初期一有大新聞，起碼加紙三萬、五萬，哥哥自殺更加紙以十萬計，現在殺父母碎屍也只多賣幾千，反而即時新聞點擊就大升，讀者都轉咗上網睇」。
「記得08年肥佬黎推動新聞時，每個部門都要做，當時VO房又唔夠，晚晚都要排隊」。
大家七嘴八舌，你一句我一句，道盡《蘋果》十多年變化。沙膽虹心想，這些其實都是珍貴歷史資料，何不來一個《蘋果》一人一故事，收集出版，既有趣又可供人日後研究《蘋果》之用！
沙膽虹
twitter賬號：khcheung1
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange