泛民陣營不時都會傳出不和消息，黨派之間有分歧，查實唔係新聞囉，但向來好和諧嘅公民黨，最近都傳出領導層「內訌」，仲要搞到對簿公堂，就令八方好震驚。不過，粉絲咪咁傷心住，大家唔係唔記得，公民黨內大狀如雲嘛？今次黨員都係喺庭上對決，但由於係黨魁梁家傑大戰主席余若薇，兩個都係重量級嘅資深大律師，難免受注目啲。
梁家傑孖郭榮鏗應戰
八方聽聞，近年專注立法會工作嘅袋巾，最近接咗一單case，係關於一啲商業糾紛。而佢喺庭上嘅對手，正正就係佢政治路上嘅最佳拍檔、民主女神余若薇嘞。
據法律界消息話呀，余若薇卸任議員後，接到嘅官司一單接一單，幾乎日日都上庭，戰鬥力毋庸置疑。
但與此同時，都唔好睇少袋巾呀，雖然做咗議員之後少咗打官司，但經常要喺立法會同議員唇槍舌劍，又要篤爆政府嘅陰謀，日日都絞盡腦汁，戰鬥力不可小覷。
查實今次「對決」嘅另一睇頭，係袋巾仲要係同黨友兼後輩郭榮鏗Dennis，拍住出庭撼Audrey喎，當然Audrey唔會孤軍應戰。唔知到Audrey屆時見到呢對孖寶男黨友，又會有乜嘢絕招迎戰呢？
mailto:[email protected]
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange