名模Mandy Lieu、朱慧敏、魯芬、康華及郭少芸等前晚於無綫將軍澳電視廣播城錄影《超級無敵獎門人．終極篇》，大晒3吋事業線的Mandy搶盡「峯」頭，她直言不怕走光，還豪邁地說：「好性感咩？肉嚟咋嘛，唔好掂，望冇問題！趁後生想着乜就着乜，唔通等50歲先着咩？我做足安全措施，唔會跌嘢出嚟！」
Mandy與金剛這對緋聞男女，成為全晚被玩目標，金剛介紹Mandy出場後，二人禮貌互攬，曾志偉即暗寸金剛︰「你估真係你女朋友咩？」金剛全程對「女友」Mandy照顧有加，Mandy吃刨冰經常嗌凍，他即送上愛的抱抱，接着又自動請纓幫手食刨冰，二人又玩互餵狀甚溫馨，林曉峰不禁說︰「你咁樣死得抵，食埋隻碗佢！」
魯芬扮醉冇人理
在「超級無敵反反反」環節上，一眾嘉賓被迫說真心話，問到他們試過在酒醉後做得最錯的事時，魯芬先自嘲：「桃色冇我份，恨唔到，扮醉都冇人理我！最多係鬧人，試過飲醉要八個人抬我去醫院囉！」Mandy自稱有潔癖，試過醉酒回家，即把身上的衣服放入洗衣機再加漂白水狂洗，志偉即寸金剛︰「咁你唔使諗啦！你咁邋遢！」金剛反駁有潔癖，其座駕玻璃一定要「閃令令」，Mandy為撐「男友」竟自爆︰「我坐過佢車，真㗎！」
採訪：王崇穎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange