對沖基金經理約翰保爾森因2007年沽空次按大賺150億美元，贏得「沽神」美譽，可惜最近炒金輸錢，聲譽受損，但無礙佢再戰樓市，仲由淡友變好友，旗下基金買入樓按公司，今年至今賺27%。照咁講，坊間可能要畀個另一個「朶」保爾森喎，因佢家陣唔止沽貨賺錢。
沽神早排曾經發脾氣，話傳媒只報道佢炒金損手，唔記得佢之前嘅威水史。財經網站CNBC近日引述約翰保爾森旗下基金寫畀股東嘅信，內容話黃金基金只佔整體管理資金2%，近月外界只關注呢小部份嘅損失，睇唔到其餘98%嘅表現。
沽神旗下復蘇基金買入MGIC、Radian、Genworth等樓按公司，呢啲公司受惠美國樓市改善兼業務重組，股價上升，帶挈沽神賺咗一筆。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange