趙碩之、賈曉晨（JJ）和梁政珏前晚在銅鑼灣Sogo行泳衣騷，當中擁36D巨胸的趙碩之狀態最勇猛，JJ減磅不成變肥J，肚皮有類似妊娠紋，肉背更有摺痕。梁政珏上圍則最輸蝕，擺甫士也甚生硬。
JJ先斬後奏
剛和公司解約的趙碩之上圍睇頭十足，是否因自由身而肯博？她說：「唔係，五年冇行騷，因為當年經理人開天價推晒。」有傳酬勞六位數，她說：「滿意啦，不過咁高價我都好緊張。」自由身酬勞豈非全部自己袋？她笑稱：「媽咪袋囉！」她謂目前不想簽公司。
JJ坦言行騷有點驚，問到男友樊少皇是否批准？她說：「我係接咗個騷先同佢講，唔想佢唔畀，男友係好緊張。」JJ為此騷努力減肥，但她說：「女仔要有少少肉先好，上圍都冇縮。」自由身的JJ指這個騷是舊公司為她接，她直認因想賺多些錢。
梁政珏跟趙碩之和JJ同場會否有壓力？她有點不屑說：「唔關同乜人行事，我身材唔好咩？」現場有人指她和趙碩之似樣，她說：「我同佢感覺唔同。」
採訪：藍文浩
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange