【記者直擊】
劏房有市有價，連阿婆也要學做劏房初哥。文婆婆去年以248萬元買入大埔懷義街一個唐樓單位後，劏開七個套房出租，目前已租出六個，平均月租4,000元，回報率高達13.5厘。
記者日前假扮租客直擊最後一間尚未出租的劏房，實用面積90方呎，叫租3,800元，呎租42元，貴過全港藍籌屋苑多多聲。
回報率逾13厘
該劏房單位位處舊樓林立的大埔墟，鄰近大埔鐵路博物館。大廈沒有升降機，年紀老邁的業主文婆婆帶記者上樓參觀時，她一邊行樓梯，一邊中氣十足地說：「唔係好辛苦啫！」行足五層樓，打開單位大閘，可見一條長走廊，套房位處兩邊，共有七間劏房，其中六間已租出。文婆婆自豪地說，丈夫做裝修，整個單位全部自己落手落腳完成。
甫進入單位，她便推介說：「呢度風涼水冷，你打開窗，好好風㗎！」身旁的代理亦加入硬銷：「近港鐵站，樓下有食肆……整個大埔只此一間月租4,000元以下嘅套房。」問及是否「劏房」，文婆婆無出聲，代理小心翼翼地說：「你係咪搵套房呀？係嘅，就呢間。」睇完單位後，代理指：「頭先套房對面嗰間，實用120方呎，最近才以4,300元租出……睇啱嘅，同業主講減100蚊，即3,700元。」
據土地註冊處資料顯示，該單位物業由文氏持有，於2012年4月以248萬元購入。以目前每個單位平均月租4,000元推算，回報率高達13.5厘。翻查資料，文氏僅此一個唐樓單位，並沒有持有其他物業，相信今次是初次嘗試劏房投資。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange