特首未換人，被認定係Plan B之選嘅政務司司長林鄭月娥先換馬。跟咗佢未夠一年嘅新聞秘書羅莘桉Gilford，已經調任觀塘民政專員（DO），但會放一個假期，去關島玩吓休息吓，7月先正式落區大作戰。
至於接替佢嘅，就係原本專責啟德郵輪碼頭項目嘅旅遊事務助理專員林兆康Andy，Gilford調職前，近日孖住下手車輪轉見傳媒，做好交接準備，認真有交帶。Gilford查實2011年底先做前政務司司長林瑞麟新聞秘書，未到一般三年任期就提早調走，唔少人懷疑佢係咪同林鄭唔啱？但睇佢最終係去觀塘做民政專員，同之前唔少官場明日之星做完DO再返中央升職路徑一樣，可見提早調職都唔係壞事。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange