姊妹A與男友拍拖十幾年，是一個想分，但更想婚的盛女，在未有更好對象的前提下，至今仍「焗住一齊」。香港同強國人又何嘗不是維持類似的不健康關係，2008年金融海嘯後，去鄰近國家好似泰國咁都要畀貴一截，泰銖兌港元升近兩成，最終要留港困獸鬥，點會唔激起矛盾。
人仔兌港元升穿八算，來港八折購物的引誘下，令廣東道再次嘈起來，今次Samantha對佢哋再冇怨氣，真係要多謝安倍，日圓貶值令大家可以遠走彼邦，促進中港和諧，勁過阿爺啲維穩費，雖然每百日圓兌港元已遠離7.5算，相較高位已打咗個八折，點會唔心動吖。
有贏家，自然有輸家，國際名牌在阿爺打貪下已經打咗個冷顫，家陣日圓貶值想唔病都幾難，Prada（1913）首季日本銷售錄1.8%倒退，歐舒丹（973）日本銷售按年增1.8%，拖累全年純利僅升1%，除咗要做好對沖，Samantha建議佢哋賣多啲「日本限定」，香港人對呢四個字冇免疫力㗎！
Samantha
本欄逢周三、五刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange