傳媒生意唔易做，不過總係有人做，免費報市場近日又有新聞，八方向行家老友收風，聽到一個令打工仔既羨慕又興奮嘅消息，呢個消息，八方知道後，都不禁驚嘆：「嘩！」
話說中原地產施老闆名下嘅《am730》年年賺錢，上上下下每半年分一次花紅好和味，八方聽聞報館高層日前開會，決定再進一步，每三個月分一次花紅，即係一年收四次花紅！對一般打工仔而言，絕對係羨慕死人嘅消息。
知情人士強調，改分紅呢個決定，同其他免費報傳賣盤消息絕對冇關，只係時間巧合；而每三個月派一次花紅，原因係「施生覺得唔使擺咁多錢喺公司」。知情人士又講笑，話其實加密分紅次數只係另類「數字遊戲」，因為員工實際袋嘅錢冇多到。《am730》密密分紅，有高層同八方講，施生沒有因此受惠，因為股東獲派股息仍然係每年度計數，同買咗公司股份嘅一般員工小股東無異。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange