郭晉安、曹永廉、李思捷同單立文擔正嘅無綫劇集《熟男有惑》前晚首播，第一集平均收視29點（約186萬觀眾），總算幫無綫挽回面子，有份演嘅李詩韻仲第一時間喺微博報喜。雖然收視算高開，但唔少觀眾覺得套劇好多劇情熟口熟面，仲即刻喺無綫官網討論區留言，甚至報料話似十足張東健主演嘅韓劇《紳士的品格》，無論劇情、人物性格同角色都似到足。
敏之：感覺相似
有觀眾認為《紳士》嘅張東健即係郭晉安，金荷娜即係陳敏之，仲有觀眾話：「TVB係咪當觀眾盲㗎？唔講同樣都係四位中年男士做主角喇，都唔使連衣着打扮髮型都抄埋吖嘛！仲要連內容都跟埋，人哋架車有名你又有名；人哋掛濃味嘢入車，你又掛；人哋做律師（其中一位）你又係律師，連主角聽歌嘅風格都抄埋，一樣就話巧合啫，幾樣加埋就唔係啦！」
俾人話似金荷娜嘅陳敏之，噚日喺電話度講：「我都有睇《紳士》，但係我覺得兩個劇故事唔同，可能造型有啲韓劇感覺，所以我覺得唔係抄襲，只係感覺相似。」敏之仲對收視高開覺得好開心，有信心收視會越嚟越好。《熟男》監製林志華都話：「我覺得只不過香港人鍾意睇韓劇，事實上好多地方都有呢類熟男戲。」
版主：陳基征
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange