模特兒私影活動蔚然成風，臨近暑假，警方及社工日前公開呼籲青少年小心參與模特兒工作，要提防被暗拍裸照威脅發生性行為。
近期因私影鬧出強姦或非禮的個案越來越多，香港遊樂場協會註冊社工溫立文嘆言：「私影唔係新事，模特兒公司招攬少女影相賺錢，但呢啲公司負責人乜嘢人都有，佢哋多數喺街上搵一啲少女落叠，然後游說佢哋介紹其他少女。」
資深經理人鄒世龍也踢爆私影風氣嚴重，不少公司以招聘model為名，其實大搞私影生意，矇騙無知少女。他指當今真正模特兒亦毋須靠性感入行，高學歷反而更受歡迎。
記者：羅鈺歡 攝影：胡智堅
溫立文指接觸個案中，10個少女有四個曾經做過私影模特兒，「佢哋有啲為錢，有啲覺得威水，可以將靚相放上facebook得到成功感，就算冇錢收都照影」，但若是影相時被人非禮，則多數不出聲，怕被朋友取笑。
少女們常以為有熟人介紹就安全，其實共同墮入陷阱。「以為朋友個朋友應該信得過，但搭上搭根本互不認識，大家都係受害者。佢哋每次拍攝收費約300至400蚊，其實賺好少，但佢哋以為私影係入娛樂圈嘅一個渠道」。
多數出事的少女，都是一念之差被哄騙，「攝影師會逐少叫少女除衫，話露少少影會靚好多，又話呢啲只係我私人收藏，但呢啲性感照或裸照一旦流出，就冇得返轉頭」。不少私影模特兒待出事後，才知好難追究，「即使查閱閉路電視，都只會見到少女自願行入指定場地，攝影師冇逼佢入去」。
掠水私影 無心栽培新人
「真正模特兒公司係唔會收取任何費用，只會喺藝人成功完成工作後抽佣，絕對唔會有額外收費」，資深經理人鄒世龍這句話雖然老土，但發𡃁模夢的少女卻永遠不明白。
他指私影問題的確在行內泛濫，更令model一詞貶值。他更踢爆，私影風氣不止在網上蔓延，甚至連一些規模較小的模特兒公司也來趕這趟混水。這些公司會外借影樓推出私影活動，一方面上網招攬龍友，另一方面找少女來做model，「畀一個model只要3,000蚊，但就約咗10個人一齊嚟影，各收1,000蚊共一萬，一鋪就淨賺7,000蚊，何樂而不為」，鄒世龍揭露行內這些手法，根本無心栽培新人，最後只變成色情活動。「嗰啲女仔被班唔識嘅男人當金魚圍住係咁影，佢哋點會開心！」
他說要做model並不是這樣簡單，最起碼要先了解行業的基本常識。「真正嘅模特兒會分為兩大類，分別係model同talent，前者身高最少五呎十一，適合着衫行天橋show；後者都要樣靚，標準身形，多拍攝平面廣告」。他慨嘆不少年輕一代連這分別都不懂，就到處自稱自己是model，相當可悲。
鄒世龍也承認，現今能夠從模界成功轉做藝人有一定難度，而且因為周街都是𡃁模，故挑選新人不再要普通𡃁妹，反而要乖和有學歷的。「太多人行性感，我反而揀人會揀入屋嗰種，一個孝順、樣靚、識作曲填詞嘅女仔，總比行性感路線嘅容易令人接受」，他解釋走性感路線好難轉型，難有長遠發展，「香港有幾多個周秀娜吖！」而最重要的是，模特兒生涯太短，倘若無法成名便兩頭不到岸，所以擁有高學歷非常關鍵，最少不會為日後生活愁眉，而已簽約的也不能放棄學業。
Model壽命短 讀書留後路
18歲的蔡嘉欣是他旗下一名model學徒，2009年便簽下合約，當時她只得15歲，但她並未放棄學業，更考入理工大學紡織及製衣系學士課程，希望將來做不成明星，也能夠成為時裝設計師。
陳瀠則是另一個學徒，當年19歲的她夠年齡自行簽約，但仍不放棄學業，「我研究過合約條文，寫明唔使着性感衫我先考慮簽，都有致電父母問准」，為兼顧學士課程及工作，一年來加拿大和香港兩邊飛。後來自覺不足，自費到北京演藝學院學演戲及普通話，現在更於香港大學修讀營養學碩士課程，可謂發明星夢也不忘學業。「其實只怕有一日被淘汰，都有一技旁身」。
記者問鄒世龍多不多少女來信自薦，他說很多，但真正能選上的很少，「一般電郵自薦嘅人，兩星期內都收唔到通知，就代表唔適合啦」。
你想爆？幫你爆！
熱線電話：2990 7225
mailto:[email protected]
WhatsApp：9131 4511
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange