鄉議局搬咗入沙田石門新大樓好一段日子，搬新會址用咗唔少錢，好在今個月6日終於賣出位於九龍塘嘅舊會址，收番1.78億元。鄉議局噚日開執委會，平時只準備西餅、咖啡畀委員享用，唔知係咪賣咗舊會址後，資金鬆動咗，所以噚日有新搞作，喺大會結束後舉行茶敍，有馳名嘅元朗萬里緣盆菜配Lafite，一眾鄉頭都話新安排好正。
主席劉皇發話搞茶敍唔係錢多想慶祝吓，而係希望製造多啲機會畀局內一眾兄弟聯誼吓，所以打算以後例會後都搞類似嘅活動。咁又係，鄉議局近年都有唔少爭拗，特別喺近年僭建問題嘅處理方法鬧分歧，和諧吓都係好事。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange