英皇集團主席楊受成嘅細仔楊政龍（Alex），早幾年喺美國波士頓學成歸來後，跟家姐一樣加入英皇系內公司幫阿爸打理家族生意。佢噚日出席英皇國際（163）同英皇娛樂酒店（296）業績記者會，表現明顯比舊年淡定，但27歲仔仍有進步空間。
業績會上漸現風範
Alex舊年中首次出席兩間公司嘅業績會，話晒都係處男下海，當時佢表現都幾緊張，只係顧住耷低頭照稿讀。
佢噚日跟英皇系老臣子范敏嫦同張炳強再主持業績會，發現佢嘅表現比起舊年大有進步。Alex主要負責介紹公司地產同埋酒店發展，亦有答問題，見佢表現淡定好多，不時同台下記者有眼神交流，漸見大將風範。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange