《都市日報》賣盤傳到㷫烚烚，市傳利福（1212）老闆劉鑾鴻（細劉）拉埋星島集團（1105）主席何柱國，出價2億買起《都市》。星島噚日亦出通告，證實喺今年4月透過自己有份嘅財團傾過呢單刁，但去到5月中都傾唔埋欄，冇繼續傾。
西環批准 幾乎扑鎚
睇真啲，星島喺通告上留咗條尾巴，就係話可能有機會再傾過單刁。聽聞細劉同何柱國仲想收購《都市》，只係有人晾高咗個價，加上《都市》舊年業績見紅，佢哋計過條數覺得太貴，暫時唔去馬。
又聽聞，原來喺細劉同何柱國睇中《都市》之前，有「深圳李嘉誠」之稱嘅數碼電台大股東黃楚標亦對《都市》有意思，幾乎扑鎚用1億元買佢，仲話攞到西環批准𠻹。只係黃楚標後尾發現自己揸住數碼電台，唔可以跨媒體壟斷，咁就冇下文嘞。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange