立法會嘅保安真係變本加厲，繼購入一大批高一截嘅加強版鐵馬後，噚日又向泛民埋手。話說立法會議員范國威帶埋一班助理，喺立法會五樓平台花園，將新民主同盟紅藍兩色嘅「佔中摺凳」，砌成「7.1」兩個字，簡簡單單影幅相，點知保安期間話，立法會秘書處唔畀咁樣影相，一度驅趕佢哋離開，范國威相信，係樓上保皇黨見到之後作出投訴，先令保安有所行動。
范國威同保安理論，問究竟根據邊條規則唔畀擺凳影相？結果保安知難而退，范國威最終都可以完成任務。
立法會前秘書長吳文華講過，做個好公民，首要係要向政府表達意見，唔知啲保安係咪已經忘記咗？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange