港姐進行第二輪面試後，幾位佳麗陸續被起底。俾人質疑眼鼻面胸都有整過容嘅「栢芝奶媽」林芷嘉，有爆料者公開佢07年影嘅舊相，果然𠵱家省鏡好多，身材仲相差好遠。
噚日馮仁昭收到爆料，公開多張「港版小雪」Hazel嘅咀仔、攬仔相，話佢鍾意一腳踏兩船，要唔同男友買嘢畀佢，為人超物質主義。
港版小雪愛攬仔
空姐Rika Lau被指係小三，曾經捲入空中少爺同老婆嘅感情入面，人哋仲離埋婚，後來個空中少爺喺facebook留言話想輕生，好彩最後只係辭職收場。至於「複式騎樓」中文名叫朱盈盈，佢為咗搵快錢買樓，喺灣仔一間樓上私人KTV工作。
至於大熱門「飛釘千雪」劉溫馨前晚8點離開無綫後，去咗調景嶺港鐵站會合女友人搭的士去紅磡，夜麻麻仲戴黑超嘅飛釘千雪返抵屋企樓下，發現記者影相即刻用屁股對住鏡頭，女友人仲叫保安落紗簾，鬼咁大支嘢。
撰文：馮仁昭
若讀者得悉這班佳麗的底細或秘聞，歡迎電郵至mailto:[email protected]報料。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange