【尖沙嘴】容祖兒前日33歲生日，今次係佢公開同師兄劉浩龍戀情之後第一個生日，加上有傳師兄舊年喺生日會上示愛成功博取芳心，咁值得紀念嘅日子，祖兒梗係要同師兄一齊度過啦。
原來前晚師兄訂咗尖沙嘴Ritz Carlton酒店嘅Ozone餐廳同女友慶祝，出席party嘅仲有祖兒好友陳奕迅（Eason）、謝霆鋒助手表哥等，黃偉文（Wyman）亦帶埋同性密友吳偉民（Stephen），加埋張敬軒同佢嘅同性密友關智斌，生日派對一雙一對，真係好甜蜜好溫馨。
Eason包尾現身
師兄包咗Ozone一間私人房同祖兒做生日，前晚11點佢哋已經切完生日蛋糕喺度飲酒吹水，見壽星女不停同人碰杯傾偈，心情都相當靚。唔知前晚Eason係咪要慶祝父親節，佢喺噚日凌晨12點半先到場，但就唔見佢老婆徐濠縈同行。其間師兄都有行出行入煲煙同送朋友離開，成班人大概留到凌晨1點幾就拉隊離開。師兄拖住祖兒手好快閃身走，而Wyman同Stephen就飲到面紅紅鬆人。
採訪、攝影：陳辰、李志明、黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange