機管局最近是非多，CEO許漢忠應該忙住拆彈，原來前CEO彭定中都好頭痕。彭定中2007年離開機管局後，轉投嘉里系懷抱，做嘉里集團郭氏基金會總裁，翌年做埋南華早報（583）主席，佢諗盡辦法，都解決唔到公眾持股量不足嘅問題，南早復牌無期。
大股東唔肯減持
南早大股東郭鶴年家族早年向多間公司授出認沽期權，隨住呢批公司將啲股份沽返畀大股東，南早公眾持股量跌到11%唔夠，股份一直停牌。
本來要恢復公眾持股量唔難，最簡單透過大股東減持、公司批股已經做到，可惜大股東郭鶴年家族同另一基金股東唔肯沽貨，上月底開股東會，又有96%股東反對公司發新股。
又唔減持，又唔畀批股，究竟想點呢？唔通冇人想隻股快啲復牌？南早班獨董夏佳理、李國寶快啲獻計啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange