（哀）新球季未開，英超球隊紐卡素領導層已出現人事變動，前領隊堅尼亞（圖）喺周日突然回歸，成為球會足球總監，掌管球員買賣。呢個消息通天後，紐記領隊柏度喺「下一位離隊的英超領隊」嘅賠率大幅起票，由原本嘅21倍變成2.75倍嘅大熱！雖然66歲嘅堅尼亞同紐記簽約3年之後，口口聲聲話自己好適合做呢個位，但佢心臟一向麻麻，之前起碼試過兩次心臟病發，加上同傳媒及紐記球迷關係又差，喺4年半前仲係紐記領隊時，就試過喺一次記者會上爆粗52次鬧傳媒，我求大俠就覺得紐記肥佬班主艾殊利今次對佢嘅任命，都係捉蟲居多。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange