據《中國證券報》引述消息人士指，內地光伏市場補貼政策將於本月底出台，對行業絕對係一支強心針，近期走勢凌厲嘅漢能太陽能（566），破關動力大增。事實上，漢能近期股價強勁，亦有多個利好因素支持。首先，集團剛宣佈取得一項重大技術突破，Fab 2.0產線成功升呢，進一步提升太陽能組件轉換效率、生產線輸出速率及生產能力，每瓦電總製造成本可大減9.3%，意味毛利率將進一步提升；另外，升級封裝技術亦大幅提高太陽能組件嘅可靠性及使用壽命。同一時間，大股東Hanergy Investment上周亦真金白銀在市場掃貨，持股量增至51.09%，涉資雖僅數千萬元，但象徵意義極大，隨時係為未來注資鋪路。歐美對多晶硅晶片和組件嘅雙反調查，亦為漢能主打嘅薄膜太陽能業務帶來新機遇。
漢能上周以大陽燭破位，連日整固後噚日破旗而上，升6.9%報0.62元，弱市下如此強勢絕不簡單，以0.55元作計數位入場，贏面甚高。
唐牛
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange