無綫今年搞咗個藝員版嘅《超級巨聲》歌唱比賽，節目名為《星夢傳奇》，嚟緊下月7號首播，合共10集，噚日節目主持鄭裕玲及崔建邦同首集出戰嘅七個藝員好似黃智雯、梁烈唯、張名雅及袁偉豪等現身尖沙嘴出席記者會，每集會out最低分嗰兩個，下集再加入兩個藝員出戰。評判包括譚詠麟、葉蒨文、甄妮、陳潔靈、李克勤、巫啟賢、倫永亮、Eric Kwok及周啟生等，終極冠軍可以得到33萬8千蚊嘅金咪座。
不過之前有傳無綫內定一批唔需要試音直接入圍嘅藝員，當中包括唯唯，佢噚日話：「我有交表，不過試音時唔喺香港，之前有參加過唔同唱歌節目，公司大概知我唱成點。」有冇信心？唯唯笑話：「真係冇乜，我見到唔少同事都唱得好好，好似鄭俊弘，佢係01年華星歌唱比賽第二名，唔使玩喇。」不過唯唯話3歲時玩遊戲開過演唱會，真係好鍾意唱歌，只係多年苦無機會，輾轉去咗拍戲啫。
邦邦驚咗梁奕倫
另外，唯唯話已計劃結婚，但今年唔得，因好多人已訂晒酒席，有冇諗過畀TVB直播？唯唯認有諗過，但畀前輩同事勸止，唔通怕好似當年萬梓良咁播完離婚？唯唯話：「都係，同埋我未必會喺香港擺酒。」
對於梁奕倫出書話早年有個野心男想討好佢，仲舐佢條頸，有報道問咗崔建邦回應，邦邦話：「唔知點解搵我回應，我都想知邊個，我冇做過，自己唔會對號入座。」邦邦強調自己鍾意女人，又唔想幫人宣傳，所以唔講太多。
版主：陳基征
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange