蒙牛（2319）上周四停牌，唔少市場人士估計事件和同日停牌的奶粉股雅士利（1230）有關。皆因蒙牛去年正式由大股東中糧揸旗後，新任總裁孫伊萍講到明，會先把業務重心放喺奶粉，因為改革飲品奶要起農場、搵奶源。所以透過M&A擴充奶粉業務，一啲都唔出奇。但如果佢搵本土品牌雅士利，令人感覺蒙牛有點走返轉頭。
自中糧正式入主蒙牛以來，短短一年間，蒙牛已體現出中糧系的典型風格──喜歡做deal。蒙牛近期最主要動作有三項：第一，引入丹麥Arla入股。第二，收購現代牧業（1117）股權。第三，和法國達能合作搞乳酪。除現代牧業是涉及鞏固奶源之外，另外兩單都係和國際品牌合作，希望借鑑先進生產技術，提升本身食品安全水平。須知道蒙牛近年，不斷涉及食品安全風波，令品牌形象大損，喪失市佔率，所以股價長期trade below其他食品股。
過去一個月蒙牛股價爆升，某程度是因與國際品牌的交易，令市場憧憬蒙牛可再unlock返一直潛在的品牌價值。如果最後蒙牛真的和雅士利合作，又會點包裝個story呢？
海迪
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange