地產霸權原來都係一種推動力！？美心主席伍偉國噚日出席安永企業家獎午餐會，自爆舊年銅鑼灣希慎廣場開張，佢哋喺地庫超市內租咗個餅店舖位，原本諗住開美心西餅，點知業主希慎（014）一口話唔得，嫌美心唔襯呢個商場，迫住佢哋喺極短時間內度咗個「Urban Bakery」嘅新品牌出來。
做生意講求包裝，Urban Bakery出名做法式麵包，好多時有人排隊等牛角飽出爐，唔講真係冇乜人留意到呢間舖都係屬於美心嘅，所以話呢，包裝確係好重要。
日賣2,000個牛角包
連伍偉國都話，Urban家陣一日賣到2,000個牛角包，如果真係開美心西餅，肯定連一半都賣唔到，所以佢好多謝希慎當日逼迫佢度出呢個新品牌。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange