政府一直唔肯就政改展開諮詢，立法會政制事務委員會早前就要求立會資料研究組，研究吓其他地方選總統嘅預選同篩選機制。研究組噚日話經初步考慮，決定探討法國、愛爾蘭同新加坡嘅制度，泛民議員話揀新加坡嚟研究係嘥氣，李卓人話如果要揀個反面教材，不如揀伊朗好過。
有議員建議研究埋波蘭等新興民主國家，葉劉淑儀建議如有資源不如做埋美國、台灣研究。資料研究組代表話，三個地方各有特色，法國選舉提名門檻相對較低；愛爾蘭總統選舉只進行單一輪投票，準候選人須獲得國會議員或市議會提名；新加坡實行得票最多者當選的選舉制度，候選人有篩選機制，要獲當局發出資格證明書，會考慮各議員意見，最遲今年9月中完成研究。睇怕到時政改諮詢都仲未有聲氣。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange