陳豪（阿Mo）與陳茵媺（Aimee）日前於法國巴黎完婚，成為圈中熱話，現Aimee於加拿大安胎，阿Mo便負起當家責任工作賺奶粉錢，昨日他到清水灣片廠拍攝新一輯月餅廣告，更獲廣告商送贈寫有他與Aimee名字的結婚蛋糕及餅卡。
甜笑晒幸福
訪問時阿Mo否認婚後以天價接拍廣告，問到Aimee腹中BB是否旺他？阿Mo笑到四萬咁口：「OK啦！」還有多久才可透露BB消息？阿Mo表示未知，適當時候會講。BB是否如報道所說的十周大？他未有否認，只放手指在嘴上並說：「o殊！」他又謂未決定Aimee是否會在加拿大生BB。
但有指Aimee將找多倫多替梁洛施接生的醫生，並於產後息影湊B，阿Mo說：「未聽過邊個醫生，大家介紹畀我。Aimee可以係一個好媽媽同好演員，佢好有潛質，你哋唔好斷佢米路。」雖然阿Mo與Aimee的BB還未出世，但問到他於前日父親節可有特別感覺？他即時冧笑並謂很開心，可是Aimee不在身邊？他即搞笑表示不開心，但二人有通電話，又坦言現在是一生人最開心的時刻，幸福之情全寫臉上。
有記者提到有指包括阿Mo在內，逢跟其舊愛廖碧兒分開的男性也發展甚佳，阿Mo對此表示：「我冇睇呢啲好耐，我𠵱家好好，生活好好，我希望身邊人，朋友都開開心心。」身邊人是否包括廖碧兒？他笑言：「你哋唔好裝我啦。」阿Mo又謂會祝福對方找到另一半。
採訪：文國駿
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange