數碼港上周終於入稟，向「首席梁粉」張震遠任主席嘅商交所追租，寫字樓租霸頓成城中話題。做咗多年包租公嘅陽光房託（435）CEO吳兆基，噚日同華華分享心得，話如果租客拖租一定要及早郁手，唔係隨時令公司有壞賬。
拖租7日要響警號
吳兆基話，通常租客拖租一至兩個星期已經響警號，「一個月就好緊張，兩個月就非常緊張」，如果拖到差唔多兩個月就一定要郁手趕個客走。如果等到三個月先郁手，冇時間趕客同搵新租客，好麻煩。
好在陽光房託暫時冇遇過租霸，好似佢哋喺灣仔嘅皇后大道東248號，租客係私隱專員公署、控煙辦同截取通訊及監察事務專員秘書處等政府部門，非常安全。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange