俄鋁（486）股東內訌咗好耐，兩大陣營最近又演大龍鳳，仲擺前律政司司長、獨董梁愛詩上枱。
話說跟俄鋁前主席Viktor Vekselberg屬同一路人馬嘅SUAL Partners早前要求，喺上周五舉行嘅股東會上投票踢走梁愛詩，兼夾安排自己友Dmitry Vasiliev入董事局。
八成支持 有得留低
俄鋁大股東歐柏嘉對着幹，提出一個動議叫做「信任及表達股東希望梁愛詩繼續擔任獨董」，明撐梁愛詩。
公司噚日先公佈投票結果，罷免梁愛詩嘅動議獲33.9%贊成，未過半數，遭否決。信任及表達股東希望梁愛詩繼續擔任獨董嘅動議，有79.4%贊成，梁愛詩於是有得留低。
市傳俄鋁當年成功上市，梁愛詩肯做董事應記一功，有乜理由無端端要人走呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange