爆出結婚前被已婚舊愛魏駿傑求復合的滕麗名，昨日跟李思捷、郭晉安、單立文、李詩韻與王君馨等到將軍澳宣傳新劇《熟男有惑》，其間大玩成人遊戲，男藝員要孭女藝員做運動，女藝員又要向男藝員餵提子，其中以王君馨最狂野，衝前跳到單立文背後，大送波餅，事後還笑言似玩狂牛。
滕麗名雖然沒玩遊戲，但因與魏駿傑的恩怨成全場焦點，談到年底結婚，準新娘笑言：「呢刻都係交畀男友負責，我怕麻煩要搞好多嘢，總之簡單、開心、浪漫就得。」阿滕透露已跟未婚夫看婚紗，心情未算緊張。至於她日前自爆魏駿傑在婚後仍透過短訊求復合，但男方否認其事，阿滕笑言：「冇嘢啦，大家各自生活咁多年，唔好提就唔好提，佢又話唔係話我，我亦唔係話佢。」對他失望？阿滕說：「由頭到尾冇希望過乜。」
向未婚夫證清白
對於魏駿傑表示短訊是幾年前傳給她，阿滕笑說：「2012都係幾年前？咁咪《玩嘢王》李思捷囉？」阿滕直言魏駿傑要求復合，但她一直拒絕，她說：「我都有畀短訊未婚夫睇，就係想大家唔好懷疑。」收到短訊後怎回覆？阿滕表示：「我寫you drunk？我最鍾意唱林峯首歌，放手……放低所有。」她又表示不考慮改電話，因自覺沒做錯事。而身在內地工作的魏駿傑則表示不會回應此事。另外，安仔表示昨日收到五歲兒子送的自製匙扣做父親節禮物，令他感到窩心。
採訪：卓寶花
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange