（喜）恭喜！恭喜！阿仙奴攻擊球員禾確特（圖）終於大個仔喇，喺日前同青梅竹馬嘅女朋友美蓮妮喺意大利一座古堡舉行婚禮，而24歲禾仔嘅兵工廠隊友好似基蘭基比斯、哥斯尼、艾朗藍斯、華美倫同埋阿歷士張伯倫都有嚟賀佢。雖然禾仔佢哋將婚禮嘅版權賣咗畀一家雜誌，好似好巿儈咁，但佢哋就叫賓客唔好送禮同做人情，反而叫佢哋將呢哋錢捐畀慈善機構柳樹基金（Willow Foundation）同埋麥美倫癌症支援（Macmillan Cancer Support），都算有心。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange