【本報訊】父愛如山，照顧中度智障兒子曾令李慶容身心俱疲，埋怨命運弄人，但他深感自己是兒子唯一依靠，20年來不離不棄照顧，更每天陪兒子跑步，只為改善兒子情緒。眼見兒子由亂發脾氣，到能夠獨自上學，甚至克服恐懼考獲獨木舟證書，李慶容別無他求，「只要佢開開心心生活就夠」。
記者：袁樂婷 蔡朗清 吳芷茵 鄧慧儀
李觀鋒（20歲）患中度智障及自閉症，不懂表達，也無法控制情緒，出其不意的行為常讓父親李慶容嚇出一身冷汗，「行行吓街突然大叫，成個人瞓落地，又成日咬自己隻手」，有次更在街市樓梯一躍而下，撞倒前方兩名傷殘人士。「初時會諗前世係咪做咗衰野，點解人哋個仔考試冇100分都有80分，自己個仔就乜都唔識」。
2003年李太不幸患上乳癌，更令李慶容瀕臨崩潰，「好似所有不幸嘅事都發生喺我哋身上」。激動過後，他驚覺自己是兒子唯一依靠，「如果我同老婆死咗，咁個仔點算」，決心盡最大努力幫助觀鋒，「一定唔可以放棄個仔」。
自此他風雨不改，每天晚餐前陪觀鋒跑步，「沿途一路同佢傾計，見到有人衝紅燈，就話佢知咁樣唔啱」。觀鋒吸收能力較弱，他不厭其煩重複教導。為免觀鋒情緒失控，他亦要時刻留意兒子動靜，「一見有唔妥就分散佢注意力，例如叫佢去食餅，等佢唔記得自己想咬手」。
「幫到佢 幾辛苦都值得」
日子有功，李慶容發現觀鋒漸漸不再大呼小叫，後來更學會自行上學、買飯盒，甚至獨自從上水家中乘車到石門練習划艇，令他深感安慰。他說，最開心觀鋒考獲獨木舟星章，「其他人一日就考到銅章（初級證書），佢足足用咗兩年；因為要整反隻艇自己爬出嚟，見到佢克服到恐懼，嗰種開心係唔識形容」。李慶容昨獲頒「香港炬光父親」獎，表揚他對兒子不離不棄的愛。觀鋒牽着父親的手，簡單一句「多謝爸爸，父親節快樂」，已讓李慶容笑得開懷。照顧觀鋒或許是他這輩子無法放下的重擔，「只要幫到佢，幾辛苦都值得」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange