曾經演出《大內群英續集》及《驟雨中的陽光》等經典電視劇，又代表過香港籃球隊的資深演員黎漢持，大前晚因急性肺炎離世，享年62歲。
資深影星邵音音昨日接受電話訪問時證實消息，她說：「黎漢持係噚晚走嘅，因為佢早年生過肝癌，康復咗之後近排又再復發，都病咗一排，所以佢個女應該有心理準備。」斑斑契姐謝姐姐昨日在微博留言亦表示，接獲黎漢持兒子消息指其父是急性肺炎病逝。
女兒拒回應
記者昨日到黎漢持位於鑽石山的寓所，一名女子應門，當記者表明想求證黎漢持死訊時，該女子說：「唔係咁方便講。」她承認是黎漢持女兒，不過問到父親過世一事，她只禮貌地說：「唔係太方便講。」
跟黎漢持在麗的年代認識的梁小龍透露，上個月跟黎漢持見面時，發覺對方暴瘦了很多，梁小龍昨日說：「我上個月見過佢瘦咗好多，聽講佢個肝又有事，不過詳細冇問。」
關海山（蝦叔）生前是黎漢持契爺，兩人關係密切，蝦叔離世後，契媽蝦嫂跟契仔黎漢持仍保持聯絡。蝦嫂昨日獲悉契仔死訊，她在電話中說：「我早排返咗新加坡住，有一陣冇同佢聯絡，上次見佢時，佢已經好瘦，臉色又唔係幾好，我都有叫佢好好保重，可能有癌症係咁上下，佢又唔肯講乜事，應該怕我擔心啩。」
黎漢持入行前在銀行任職，左派鳳凰電影公司因看中他高大英俊，所以簽約成為旗下藝人。黎漢持亦憑六呎身高縱橫影視圈拍了不少武俠動作片。
採訪、攝影：何永寧、朱志聰、羅德光
【籃球健將闖娛圈】
曾是香港籃球代表隊得分後衞的黎漢持，25歲入行加盟鳳凰電影公司，28歲轉投麗的電視（亞視前身），曾參演《大地恩情》、《大俠霍元甲》與《再向虎山行》等劇集，之後黎漢持轉投無綫，先後拍過《誓不低頭》、《笑看風雲》與《原振俠》等。懂風水命理的他於95年舉家移居加拿大，自05年開始走霉運，父母、太太相繼離世，前年他忽然在家連吐5日血，體重下跌約20磅。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange