連續兩場「詹瑞文盧海鵬紅館奇幻扮嘢大典」前晚在紅館開鑼，《歡樂今宵》一班舊同事前往撐場。71歲的鵬哥在台上搶盡風頭，雖然經常唱歌甩嘴及走錯位，但扮徐小鳳、盧冠廷等維肖維妙，還有透點大肚腩的籮記look，令人笑破肚皮。詹Sir在台上講諧音粗口及唱潮州粗口，鵬哥即說：「男人老狗就大方啲啦，X你老味。」令全場起哄。之後詹Sir出上聯不停引鵬哥「試咪」，鵬哥卻好守規矩說：「唔使試我，唔係隨便講，要講私下同你講。」
甩嘴仍獲掌聲
另一高潮是穿上低胸晚裝的余慕蓮（魚毛）與鵬哥合唱《鳳閣恩仇未了情》，鵬哥又出金句說：「後面睇就一支花，前面睇就似我阿媽。」魚毛在台上唱到震，高八度兼頻甩嘴，鵬哥即拍拍她作鼓勵，叫她不要震得太厲害。而另一嘉賓劉以達與鵬哥合組「撻成一塊」，劉以達唱到𦧲晒脷，鵬哥又甩嘴，雖然無人聽到二人唱甚麼，但仍博得全場掌聲。
尾聲時，鵬哥和詹Sir以「試咪俠」和「吹雞俠」落台派正能量貼紙，鵬哥興奮到捨不得返回台上。到安歌時，一身踢死兔打扮的鵬哥與詹Sir獻唱《年少無知》，鵬哥有感而發說：「當日叫我上台做騷扮嘢，都唔知接唔接好，接又驚撐唔住，唔接又怕嘥咗，我都七張幾嘢，行路應該彎晒腰，為咗扮嘢就撐到直一直，死人都要撐！」詹Sir亦說﹕「細個睇住鵬哥演技，原來扮嘢可以永遠保持童真，要同鵬哥一齊扮嘢落去。」
採訪﹕馬建華
攝影﹕仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange