關禮傑和黃浩然同樣有兩個孩子，關禮傑的囡囡關楓馨和關佩盈分別18歲及12歲，大女9月會到英國讀大學，會否更珍惜這幾個月時間？他說：「係多咗父女感覺，要教佢點自己處理事情唔好令父母擔心，其實佢11歲第一次出門去夏令營我仲心噏，如果佢唔早啲衝入閘，我會同佢一齊喊。」
黃浩然育有兩歲兒子Kayden及兩個月幼子Ransley，但今年父親節才有深感受：「大仔出世工作忙，到細仔出世至經歷番做爸爸感覺，體會到太太嘅辛苦。」浩然遺憾爸爸剛過身，但也讓他知道做人子女或爸爸都要珍惜身邊人。會否給囝囝看他的親熱戲？他說：「暴力、親熱暫時唔得，等佢懂事會同佢解釋係爸爸嘅工作。」
林德信文字寄意
星爸過父親節特別有感受，星級父子檔又怎慶祝？林德信（Alex）就選擇以文字表心意，縱然父母離婚，但並未影響與爹哋林子祥的感情，Alex說：「我哋性格都內斂，唔多嘢講，但一個眼神一個動作，已經知大家諗乜。」Alex父親節未能陪爹哋，但透過文字送上心意：「男人間有時好難乜都講出口，可以用文字溝通，講出心中所想就OK。」真正無聲勝有聲。
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange