真普選聯盟早前已提出，爭取普選特首提名委員會由全港選民選出，不過基本法委員會委員譚惠珠斷言，提名委員會「係唔可以用全香港市民一人一票方式選」，又為港府遲遲未啟動政改辯稱：「仲有四年吖嘛。」有民主派議員警告，譚提出這類保守意見，意味日後政改辯論將十分激烈，催谷佔中成事。
「唔可以全港市民一人一票」
譚惠珠昨出席一個講座時指，《基本法》已規定普選特首過程中有提名委員會，所以不存在取消提名委員會的機會；她更表明，根據2007年全國人大常委會所作的決定，提名委員會是參照現時特首選舉委員會組成，故提名委員會應繼續分成四大界別，而選舉方法都不是一人一票，她直言：「（提名委員會）組成自己唔會喺比例方面有咩空間可以討論，我亦覺得係唔可以用全香港市民一人一票方式選嗰個提名委員會產生。」
其後被問到港府至今仍未啟動政改諮詢，譚惠珠指諮詢時間表由港府決定，「政府可以快就快，時間表佢先可以掌握到」，況且距今仍有四年時間，「按往常立法程序的話，四年照計係足夠」。
民主黨劉慧卿表示，譚惠珠會提出如斯保守的意見並不奇怪，但「呢個係佢嘅意見，佢唔係話佢係玉皇大帝，講咗就一定係」，又認為譚提出這類保守意見，意味日後政改討論可能很激烈，甚至「真係唔掂就要佔領中環」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange