早前主持無綫節目《食平D》而人氣大升的肥媽瑪利亞（Maria Cordero）昨晚與結婚14年的葡籍工程師老公Rick假佐敦木球會搞婚宴，筵開16席宴請親友，59歲的新娘子昨日說：「開心呀！原本我着粉紅色低胸裙，但老公話太性感唔畀我着，𠵱家惟有留番登台着啦！」不過肥媽在切結婚蛋糕儀式時有穿裙褂。原來肥媽當年結婚時因媽咪過世而沒有擺酒，所以婚後14年才搞婚禮，她說想正式斟茶給奶奶，問到是否婚宴後返歸即洞房？肥媽笑言：「噚晚洞咗啦！晚晚都洞！」
共對44年
肥媽跟老公相識30年才結婚，婚後共度14個年頭，因老公生肖屬豬，相士指他9、10月的運程不太好要為他沖喜，原本肥媽催兒子結婚，但兒子計劃明年才結婚，她說：「惟有自己結多次啦！我哋結婚14年，兩個7年我都唔想佢癢癢哋，兩公婆一齊咁耐要搞吓新意思嘅！老公仲送咗卡幾嘅鑽石戒指畀我，你60歲有冇人跪地向你求婚吖？」婚後多年仍如此恩愛，難怪肥媽說話得戚。
採訪：王崇穎
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange