今個禮拜最開心嘅新聞，梗係陳茵媺（Aimee）同陳豪呢對同「姓」戀開花結果啦，佢兩個郎才女貌，簡直係天作之合。不過話時話，當日Aimee選港姐嗰陣，負面新聞都唔少㗎，其中最多人講嘅，就係解釋唔到嘅「高胸之謎」。
時光倒流去返06年，當時喺比賽之前，已經有網民話Aimee喺04年落選多倫多華裔小姐之後曾經隆胸，佢梗係話冇啦，仲覺得自己好自然。點知到決賽當晚，離奇事情發生了！話說喺泳衣環節，Aimee要瞓喺舞台度拍攝top shot鏡頭，奇怪係佢嘅湯碗胸居然硬繃繃咁郁都唔郁，仲反地心吸力，咪咪幾乎谷到上頸㖭！呢個「高胸之謎」除咗令觀眾拍案叫絕，亦令評判另眼相看，結果當晚Aimee兼奪國際親善小姐，成為雙料冠軍。
好彩，Aimee嘅開朗性格令觀眾相當受落，07年佢剪短頭髮拍《原來愛上賊》，仲憑性感造型上位㖭！
撰文：阿Wow
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange