（哀）可能耶耶托尼（圖）會問，點解自己成日見到隊友打交。佢之前喺曼城，見證過前隊友巴洛迪利同經已離隊嘅謝路美保定及文仙尼開拖；日前佢同科特迪瓦嘅國家隊隊友，備戰下周日作客對坦桑尼亞場世盃外，唔知係咪認真得滯，20歲嘅拉薩克就同30歲嘅哥素打起上嚟；最巧合嘅係，拉薩克原來都係踢曼城，唔怪得耶耶托尼見到佢哋開拖嗰陣，即時皺埋眉頭；而拉薩克俾哥素教訓完之後，仲被逐出國家隊，真係雙輸。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange