張家輝為了拍電影《激戰》狂操肌肉，日食二、三十隻雞蛋白之餘，又要脫水搞到小便起泡，結果成功谷起朱古力肌，一度成為網路熱話。最近英國就有個「英版張家輝」，就是現年32歲的英國歌手Craig David！他昨日在instagram上載半裸照晒健身成果，上身操弗到近乎零脂肪，令一眾粉絲驚嘆不已。
持久作戰
方大同至愛的英國R&B歌手Craig David，日前在intagram上載了一張半裸上身的照片。Craig展示兩舊大胸肌、六舊朱古力腹肌、人魚線同巨手瓜，即時吸引了不少網民於照片下留言狂讚，話Craig不只有把靚聲，連身形都一樣完美，令人即時諗起最近為拍戲而狂操變大隻佬的張家輝。驟眼看，Craig的上身幾乎零脂肪，比起張家輝還要鋼條。
不過張家輝講過谷肌太辛苦，拍完戲就不再谷，但對於Craig來說，谷肌似乎是持久戰。Craig於網上留言指自己快將進入健身另一階段，會將卡路里大減，他因為怕自己捱不住，所以影低現在至弗狀態，到想狂食朱古力時，便會看這張照片來提醒自己。
其實Craig於07年時已經很大份，不過肥肉俱多，直至近年他才積極健身減磅，不時被拍到在沙灘與教練操弗。前年他與英國職業拳王David Haye在沙灘做運動時，身形已經比對方更弗。
臉容憔悴
Craig也經常在twitter分享健身心得，難怪英國傳媒寸他近年來，身形比音樂作品還出名。他亦遭網民寸因為工作太悠閒，所以太多時間操肌。另外，有網民指出Craig的臉頰明顯比之前瘦削，而且帶點憔悴，擔心他谷得太行而累壞身體。
撰文：丁焯敏
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange